İnsan əti yemək arzusu, ABŞ prezidentini öldürüb romantik görünmək istəyi

"Ölkə.Az" xəbər verir ki, kriminal statistikaya nəzər salanda, ən geniş yayılmış cinayətlərə əsasən qısqanclıq və pul səbəb olur. Amma hər zaman istisnalar var. Cinayət tarixində elə qətl və ölümlər var ki, onun motivi istənilən insanı şoka sala bilər.

Bu gün oxuculara belə qətl motivlərini təqdim edirik.

Bazar ertəsinə nifrət etmək

1979-cu ilin yanvar ayında 16 yaşlı Brenda Spenser yaşadığı ərazinin yaxınlığındakı ibtidai məktəbin həyətində uşaqlara atəş açıb. Nəticədə məktəb direktoru, qarovulçu həlak olur. 8 uşaq və polis əməkdaşı yaralanır. Brenda niyə bu cinayəti törətdiyinə dair suala "Mən bazar ertəsinə nifrət edirəm. Güllələnmiş uşaqlara baxmaq əyləncəli idi"-cavabını verir. Brenda bu günə qədər də Kaliforniya həbsxanasında cəzasını çəkir.

Codi Fosterə olan cavabsız sevgi

Codi Fosterin iştirakı ilə çəkilən "Taksi sürücüsü" filminə baxan Con Hinkli aktrisaya aşiq olur. Bundan sonra o, gənc aktrisanı izləməyə başlayır. Con hətta Codinin təhsil aldığı Yel universitetinə də daxil olur. Amma qıza yaxınlaşaraq sevgisini etiraf etməyə özündə cürət tapmır. Bu səbəbdən Codini təəccübləndirmək qərarına gəlir. ABŞ prezidentini öldürməkdən romantik nə ola bilər? Xoşbəxtlikdən sui-qəsd alınmır. Prezident Ronald Reyqan sağ qalır. Hinkli həbs edilir. Cinayətkar şizofren xəstəsi olduğu üçün günahsız hesab edilir. 2016-cı ildə Hinkli bir şərtlə psixiatrik xəstəxanadan buraxılır. O, Codi Foster və Reyqan ailəsindən uzaq qalmalıdır.

İnsan əti yemək arzusu

Armin Mayves yeniyetmə yaşından insan ətini dadmaq arzulayıb. 2001-ci ildə o,nəhayət arzusunu reallaşdırıb. Yürgen Brandes adlı dostu Armindən onun dadına baxmağı xahiş edib. Marvesin iddiasına əsasən onlar əvvəlcə sekslə məşğul olublar. Sonra Brandes yuxu dərmanı qəbul edib. Birlikdə onlar Brandesin qızardılmış penisini yeyiblər. Sonra Armin Brandesi kəsərək yeyib. Meyitin qalan hissələrini isə soyuducuya yerləşdirib və bir neçə ay qidalanıb. Hannibal 8 il yarım azadlıqdan məhrum edilib. Bir neçə il sonra işə yenidən baxılıb və Mayvesə ömürlük həbs cəzası kəsilib.

Geydirmə nasist təhlükəsi

Riçard Trenton Çeyz altı nəfəri qətlə yetirib. O, qurbanlarının qanını içib və meyitlərini yeyib. Vampiri həbs edəndə o bildirib ki, bu qətli nasistlər sifariş edib. Riçard hakimlərə bildirib ki, nasistlər onun qanını toza çevirmək istəyiblər. Bu səbəbdən Riçard digər insanların qanını içib ətini yemək məcburiyyətində qalıb. 1979-cu ildə məhkəmə Çeyzi günahkar bilərək həbsə məhkum edib. 1 il sonra həbsxana nəzarətçisi qaniçən manyakı öz kamerasında ölü vəziyyətdə tapıb. Ekspertizanın nəticələrinə görə Trenton Çeyz anti depressant maddələri həddən artıq qəbul etdiyi üçün dünyasını dəyişib.

Hikmət
Ölkə.Az