Vladimir Putinin ailə həyatı

"Ölkə.Az" bu gün oxuculara Rusiya prezidenti Vladimir Putinin ailə fotoları arxivini təqdim edir. Fotolar ailə həyatını sizlərə nəql edəcək.

Nə vaxtsa gözəl başlayan sevgi romanı uzun müddətli ailə həyatına çevrilib və başa çatıb. 2013-cü ilin 6 iyun tarixində Vladimir Putin həyat yoldaşı Lyudmila ilə "Esmeralda" baletinə tamaşa edir. Sonra isə cütlük jurnalistlərə boşanacaqları barədə xəbər verirlər.

Cütlük Vladimir Putinin siyasi və ictimai fəaliyyətini boşanmaya səbəb kimi göstərir.

Məktəb illəri

Putinin sinif yoldaşı Aleksandr Nikolayevin xatirələrindən: "Məktəbdə oxuyanda Putin bir dəfə mərcə duraraq 5-ci mərtəbənin balkonundan sallanıb. O, hamıdan yaxşı dalaşırdı. Bir dəfə sinif yoldaşı qızın şərəfini qorumaq üçün idman müəllimi ilə dalaşıb.

İlk görüş

Lyudmila ailə həyatı qurana qədər stüardessa işləyib. 1980-ci ildə Lyudmila 3 günlük Leninqrada uçur və Vladimirlə tanış olur. Bu insan Lyudmilanın növbəti 30 ildə ömür-gün yoldaşı olacaqdı.

Putinin toyu

Cütlük 1983-cü ildə münasibətlərini rəsmiləşdirir. Lyudmila Leninqrad dövlət universitetini bitirir və filoloq-romançı peşəsi üzrə diplom alır. Onun qızlıq familiyası Şkrebnyovadır.

Qızların dünyaya gəlməsi

1985-ci ildə Putin Almaniya Demokratik Respublikasına ezam edilir. Lyudmila eyni ildə anadan olan qızı Mariya ilə birlikdə ərinin dalınca gedir.

1986-cı ildə Drezdendə ailənin yeni qızı-Katerina dünyaya gəlir.

1990-cı ildə Putin ailəsi Leninqrada qayıdır. Burada tale Putini Anatoliy Sobçak ilə qarşılaşdırır.

Karyera və ailə

6 il sonra Putin ailəsi Moskvaya köçür. Artıq Vladimirin hökumətdəki karyerası başlamışdı. 3 il ərzində ailə başçısı Vladimir prezident işlər idarəsinin müavini səviyyəsindən təhlükəsizlik Şurasının sədri vəzifəsinə qədər qalxır. 2000-ci ildə Rusiya Federasiyasının prezidenti seçilir.

Ölkənin birinci xanımı çox nadir hallarda ictimaiyyət qarşısına çıxır. Amma onun maraq dairəsi çox geniş idi-incəsənət, dağ xizəkçiliyi, idman və tennis. Bundan başqa Lyudmila bir neçə xarici dildə mükəmməl danışa bilirdi və rus dilinin inkişafı Mərkəzinin yaradılmasının təşəbbüskarıdır.

Boşanma

2013-cü ildə cütlük boşanır. Amma boşandıqdan sonra da Putin keçmiş həyat yoldaşı ilə normal münasibət saxlayır. 2016-cı ildə Lyudmilanın yenidən ərə getdiyi və familiyasını dəyişdiyi barədə xəbərlər dolaşdı.

Putinin şəxsi həyatı

Prezidentin özəl həyatı barədə demək olar ki, məlumat yoxdur. Rəsmi məlumata əsasən, o hələ də təkdir. Amma mətbuatda dolaşan xəbərlərə görə, Putin idmançı Alina Kabayeva ilə eşq həyatı yaşayır. Alinanın deputat seçilməsi də təsadüfi deyil.