Yaponlar süni intellektlə idarə edilən yük gəmiləri istehsal edəcəklər
Yaponiyada süni intellekti olan yük gəmiləri istehsal ediləcək.
"Ölkə.Az" xəbər verir ki, bu barədə "Mitsui OSK Lines", "Nippon Yusen" və "Japan Marine United" gəmi inşa edən şirkətlər məlumat veriblər.
Bildirilir ki, 250 gəminin inşa edilməsi planlaşdırılır. Layihənin bir neçə yüz milyon dollar dəyəri var.
Süni intellektin istifadə edildiyi qurğuların bu gəmilərə təchiz edilməsi maksimal təhlükəsiz, qısa və rahat marşrut əldə etmək, dəniz hadisələrindən uzaq qalmaq üçün nəzərdə tutulub.
Mütəxəssislər 2025-ci ildə bu gəmiləri istifadəyə verməyi planlaşdırırlar. İlk belə gəmi bir neçə texniki personalın müşayiəti ilə hərəkət edəcək. Sonradan isə gəmilər tam avtonom rejimdə hərəkət edəcəklər.
Hikmət
Ölkə.Az
Ölkə.Az
