Biz planetdə beşinci sivilizasiyayıq
"Ölkə.Az" bu gün bəzi suallara aydınlıq gətirməyə çalışacaq.
Ezoteriklərin iddiasına görə, bu günkü bəşəriyyət planetin sayca beşinci sivilizasiyasıdır. Bundan başqa müasir alternativ tarix də bizdən əvvəl planetdə müxtəlif sivilizasiyaların yaşadığını bildirir. Atlantlar, Lemurlar, Mu Qitəsi, Atlantida kimi versiyalar bunun təsdiqidir.
Qədim sivilizasiyalar üzrə tədqiqatçı Ernst Muldaşev və həmkarları Kolski yarımadasını ziyarət ediblər. Onların məqsədi burada qar adamının və almanların “uçan boşqabları”nın izlərini tapmaq, yerli şamanlara çoxdan məlum olan bir ritualı tədqiq etmək idi.
Hələ XX əsrin əvvəllərində Kolski yarımadasında NKVD (Daxili İşlər Xalq Komissarları) idarəsinin xüsusi dəstəsinin ekspedisiya qrupu da olub. Bu qrupa Aleksandr Barçenko rəhbərlik edib.
Ekspedisiya qrupu yerli saam xalqının mədəniyyətini tədqiq etmək istəyirdi. Bu mədəniyyətdə sirli məqamlar çox idi. Məsələn, saamlar seyd adlanan müqəddəs daşlara sitayiş edirdilər və xüsusi ayinlərlə trans vəziyyətinə düşə bilirdilər. Trans vaxtı saamlar bir-birinin hərəkətini təkrar edir, qəribə dildə danışırlar. Bəzən bu şamanlarla danışıq zamanı, bəzən də seydlərin yanında baş verir. Saamlar şamanlara noyd adını veriblər.
Deyilənə görə, ikinci dünya müharibəsində yarımadaya faşistlərin “Anenerbe” təşkilatının nümayəndələri gəliblər. Burada onlar qədim saamların sirli elmi sayəsində qeyri-adi uçan aparatlar düzəldiblər.
Muldaşev və ekspedisiyası burada yaşayan qar adamının və almanların istehsal etdiyi uçan boşqabların izini tapa bilmədi. Amma bununla belə, ekspedisiya uğurlu alındı. Alimin iddiasına görə, səyahəti zamanı bizdən əvvəl planetimizdə mövcud olmuş sivilizasiyaları sübut edən faktlar tapıb. Onun fikrinə görə, bizdən əvvəl dörd sivilizasiya olub.
Planetdə birinci irq Asurlar olub. Onlar həqiqətən nəhəng olublar. Boylarının hündürlüyü 50 metr, işıqsaçan efir formasında olublar və bir-biriləri ilə telepatiya yolu ilə əlaqə saxlayıb ünsiyyət qurublar.
Güman edilir ki, asurlar Yerə Faeton planetindən gəliblər. Bu planet hansısa fəlakət nəticəsində dağılaraq məhv olub.
Asurlar sivilizasiyası Yerdə 10 milyon il yaşayıb. Onların ömrü də uzun olub. Hər bir asur bir neçə on min il ömür sürüb. Evolyusiya prosesində onlar mutasiyaya məruz qalıblar və daha qalın cismli irq yaranıb. Onun təmsilçilərini atlantlar adlandırıblar. Başqa bir sözlə, sonradan doğulmuş irq yaranıb. Atlantlar asurlardan alçaq, müasir insandan hündür olublar. Qaşlarının ortasında isə üçüncü gözləri olub.
Atlantları lemurlar əvəz etdi. Onların boyunun hündürlüyü 7-8 metr olub. Xarici görünüş etibarı ilə lemurlar müasir insanlara bənzəyirdilər. Onların skeleti də bədənləri daha iri idi. Artıq kişilər və qadınlar ayrıldı. Artıq lemurların telepatik qabiliyyətləri və üçüncü gözü qabiliyyətini itirməyə başlayırdı və lemurlar daha çox fiziki orqan hisslərinə yiyələnirdilər.
Lemurların ömrü özlərindən əvvəlki sivilizasiya nümayəndələrinin ömründən qısa olsa da, min ildən çox yaşayırdılar. Muldaşevin və bir çox tədqiqatçının fikrinə əsasən, lemurlar Misir sfinksi, Stounhenc və Avropa, Cənubi Amerikanın çoxsaylı meqalit komplekslərini inşa ediblər.
Paralel olaraq planetimizdə dördüncü irq, yəni boreylər formalaşmağa başladı. Bu irqi bəzən sonradan yaranan atlantlar da adlandırırlar. Onların çox yaxşı gizlənmiş üçüncü gözü var idi. Digər orqanları isə müasir insandan çox cüzi fərqlənirdi. Boyları isə cəmi 3-4 metr hündürlükdə idi.
25-30 min il əvvəl planetimizdə nüvə faciəsi baş verdi. Bu faciəyə səbəb iki irq arasındakı münaqişə səbəb oldu. Atlantlar və lemurlar arasındakı bu münaqişə bir sıra qlobal kataklizmalara səbəb olub. Nəticədə lemurların bir hissəsi mağaralara sığınıb “somati” vəziyyətinə düşdü. Bu vəziyyətdə lemurlar bədənlərini çox uzun müddətə “konservləşdirilmiş” formada saxlaya bilirdilər və sonradan həyata qayıda bilirdilər. Lemurların digər hissəsi isə kosmik gəmilərlə Yer planetini tərk etdilər.
Lemurlardan əldə etdikləri elm və biliklərdən istifadə atlantlar isə yüksək inkişaf etmiş texnologiya səviyyəsinə çatdılar. Bu isə onlara uçan aparatlar istehsal etməyə imkan verdi. Atlantlar uçan aparat-vimanlardan başqa, Misir piramidaları, Pasxa adasındakı daş abidələri və bu gün tarixi müəmma sayılan bir çox abidə inşa etdilər. Amma növbəti fəlakət nəticəsində atlantların yaşadığı quru parçası, yəni Atlantida suyun altına getdi. Bu hadisə təqribən 12 min il əvvəl baş verib.
Atlantların yaşadığı dövrdə sayca beşinci irq, yəni ari irqi yaranırdı. Bu irq müasir insan idi və üçüncü gözü yox idi. Eyni zamanda çox ləng inkişaf edirdi.
Əvvəlki sivilizasiyalar haqqında qədim manuskriptlər və tapıntılardan məlumat əldə edirik. Bu manuskript və arxeoloji qazıntılar zamanı üzə çıxan faktlar müxtəlif sahələrdə geniş biliklərə sahib olan nəhənglərin yaşadığına dəlalət edir.
Muldaşevin iddiasına əsasən, Himalaya təşkil edilən ekspedisiya zamanı bir mağara kəşf edib. Bu mağarada “somati” vəziyyətində yatan lemurlar var. Kolsk yarımadası isə müasir ari irqinin, yəni Hiperboreyin ulu vətənidir...
Hikmət
Ölkə.Az
