Mobil oyun həvəskarları bu xəbəri mütləq oxusun
"Candy Crush" oyununun rəqibi gəlir.
Ölkə.Az xəbər verir ki, kompüter və cib telefonları üçün bir-birindən gözəl oyunlar istehsal edən Fransanın "Gameloft" şirkəti "Candy Crush" oyununun analoqunu hazırlamaq qərarına gəlib.
Ağıllı telefon istifadəçilərinin imtina edə bilmədiyi oyunlar arasında yer alan "Candy Crush" oyununa rəqib ola biləcək "Pastry Paradise" oyunu gələcək. Gameloft şirkəti yeni oyunun hazırlanması və yaxın zamanda təqdim ediləcəyi xəbərini Facebook vasitəsilə yayımlayıb.
"Gameloft"-un yaydığı məlumata görə, "Candy Crush"-a rəqib sayılan tətbiqin adı "Pastry Paradise" olacaq. 27 Noyabr 2014 tarixində təqdim edilməsi planlaşdırılan tətbiqi Android, iOS və Windows Phone istifadəçiləri yükləyə biləcəklər. İnternetə pulsuz şəkildə yerləşdiriləcək yeni oyun Windows 8 istifadəçilərinin də ixtiyarına veriləcək.
Rəşid Mustafazadə
Ölkə.Az
