Aralıq dənizinin məşhur çimərliyində köpək balığı həyəcanı
İspaniyaya aid Malyorka adasında istirahət edənlər köpək balığı həyəcanı yaşayıblar.
"Ölkə.Az" xəbər verir ki, sahilə yaxınlaşan köpək balığını görən turistlər təlaşla sahilə doğru qaçıblar.
Balığın uzunluğu 2.5 metr olub. Ötən həftənin şənbə günü bu köpək balığı sahilə yaxınlaşmış, bazar günü isə çimərlik ərazisinə daxil olmuşdu.
Təhlükəsizlik xidmətinin əməkdaşları hərəkətə keçiblər. Balıq tutulub və açıqlamada bildirilib ki, təhlükəli heç nə yoxdur. Köpək balığı açıq dənizdə bir balıqçı tərəfindən başından zərbə ilə vurulub. Bu ağır zədə nəticəsində müəyyən hiss qabiliyyətini itirən yırtıcı çimərliyə qədər gəlib çıxıb.
Hikmət
Ölkə.Az
