\"Facebook\" istifadəçilərinin sayı 2 milyard nəfərə çatdı

"Ölkə.Az"ın İKT.lent.az-a istinadən xəbərinə görə, bu barədə "Facebook"un qurucusu Mark Zukerberq özünün profilində məlumat verib.
 
Onun statusu aşağıdakı kimidir: “Bu səhər etibarilə "Facebook" istifadəçilərinin sayı 2 milyard nəfərə çatıb. Dünyanı birləşdirən bir irəliləyiş qeyd edirik və indi də dünyanı bir-birinə yaxınlaşdıraq. Bu səfərdə sizlərlə birlikdə olmaq bir qürurdur”.
 
Qeyd edək ki, "Facebook"un əsası 2004-cü ildə Mark Zukerberq və onun otaq yoldaşları Eduardo Saverin, Dastin Moskovits və Kris Hyuz tərəfindən qoyulub və dünyadakı ən böyük sosial şəbəkədir. İlk adı "The Facebook" olub.