Ən çox və ən az dindar olan ölkələrin SİYAHISI

"Ölkə.Az" xəbər verir ki, siyahı "Gallup İnternational" təşkilatınını 2008, 2009 və 2015-ci illərdə hazırlanan hesabat nəticələrinə görə tərtib edilib. Sorğuda iştirak edən hər respondentdən dinə aid duyğuları və dinə inanıb-inanmadıqları soruşulub.

Sorğu nəticələrinə əsasən beş dövlət ən dindar ölkə titulu uğrunda yarışır. Efiopiya, Malavi, Nigeriya, Şri-Lanka və Yəməndə sorğuda iştirak edənlərin 99 faizi suala "hə" cavabı verib. Burundi, Cibuti, Mavritaniya və Somalidə keçirilən sorğuda iştirak edənlərin 98 faizi müsbət cavab verib.

Ən Dindar ölkələrin siyahısını təqdim edirik:

1.Efiopiya- 99%
2.Malavi-99%
3.Nigeriya- 99%
4.Şri-Lanka 99%
5.Yəmən- 99%
6.Burundi- 98%
7.Cibuti- 98%
8.Mavritaniya- 98%
9.Somali- 98%
10.Əfqanıstan- 97%
11.Komor adaları- 97%
12.Misir- 97%
13.Qvineya- 97%
14.Laos-97%
15.Myanmar-97%
16.Kamboca-96%
17.Kamerun- 96%
18.İordaniya-96%
19.Seneqal-96%
20.Çad- 95%

Bundan başqa Qana, Mali, Qətər, Konqo Respublikası, Ruanda və Zambiya kimi ölkələrdə də sorğuda iştirak edənlərin 95 faizi dindar olduğunu bildirib.

Sorğu nəticələrində göründüyü ki, Afrika və Orta Şərq ölkələri ən dindar bölgələrdir. Cənubi-şərqi Asiya və Latın Amerikası ölkələri də bu siyahıdan geri qalmır. Bir çox cənubi Avropa ölkələrində də dini inanc çox vacibdir. Məsələn, İtaliyada bu rəqəm 74, Yunanıstanda isə 71 % təşkil edir.

Polşa əhalisinin də 86 faizi suala müsbət cavab verib. Paraqvay isə Cənubi Amerikanın ən dindar ölkəsidir.

Hər 10 britaniyaladan üçü dindardır. Amerika Birləşmiş Ştatlarında isə bu göstərivi 56 faiz təşkil edir.

Digər tərəfdən qeyd etmək lazımdır ki, Yaponiya, Estoniya, İsveç, Norveç və Çex resublikası ən az dindar olan ölkədir. Amma Çin 7 faizlik göstərici ilə bu ölkələri üstələyir. Maraqlıdır ki, Azərbaycan da siyahıda qərarlaşıb.

İndi isə oxucularımıza ən az dindar olan ölkələrin siyahısını təqdim edirik:

1.Çin - 7%
2.Yaponiya- 13%
3.Estoniya-16%
4.İsveç- 19%
5.Norveç-21%
6.Çex respublikası- 23%
7. Honq Konq- 26%
8.Niderland- 26%
9.İsrail- 30%
10.Böyük Britaniya-30%
11. Yeni Zelandiya-33%
12.Avstraliya-34%
13. Azərbaycan-34%
14.Belarus-34%
15.Kuba-34%
16.Almaniya-34%
17.Vyetnam-34%
18.İspaniya-37%
19.İsveçrə-38%
20-Albaniya-39%