Dünyanın ən gözəl çimərlikləri

"Ölkə.Az" bu gün oxucularına dünyanın 10 ən gözəl çimərliyinin siyahısını təqdim edir.

Əvvəlcədən bildirək ki, siyahıda nə Şıx, nə də Novxanı çimərliklərinin adı var. 

10. Avstraliya, Kvinslend, Freyzer adası

Freyzer dünyanın ən böyük qumlu adasıdır. Avstraliyanın şərq sahillərində yerləşir. Uzunluğu 120 km, eni isə 7-23 km-dir. Sahəsi 1840 kv.km-dir. Ağ qumlu çimərlik zolağı 100 km-dən çoxdur. 1992-ci ildə YUNESKO tərəfindən siyahıya alınıb.

9. İngiltərə, Karib dənizi, Randevu Bey

Karib dənizinin şərqində yerləşir. Uzunluğu 26 km, eni isə 5 km-dir. Adada ümumi 30 çimərlik var. İngiltərənin ən yaxşı çimərliyidir. Ağ və yumşaq qum, kristal təmiz su, palmalar, ən yaxşı otellər bunu deməyə əsas verir.

8. Fransız Polineziyası, Bora-Bora adası, Matira çimərliyi

Bora-Bora Sakit okeanın ən gözəl və romantik adalarından biridir. Onun uzunluğu 29 km-dir. Adanın ən gözəl yeri Matira çimərliyidir. Ağ qum, təmiz kristal su, palma ağacları və əsrarəngiz təbiət buna əsas verir. 5 dəqiqəlik məsafədə otel və restoranlar yerləşir.

7. Braziliya, İlya-Qrandi, Lopes Mendes

Dünyanın ən təmiz və gözəl çimərliklərindən biridir. Firuzəyi rəngli təmiz su və ağ qum 3 km məsafədə insan ayağı altında xırçıldayır. Adada avtomobil yolu yoxdur. Çimərlik isə cəngəlliklə əhatələnib. Rio-de-Janeyrodan adaya katerlə bir neçə saata gəlmək olar. Əsl tropik cənnətdir.

6. Seyşel, Praslin, Ans Latsio çimərliyi

Rahat, qapalı liman, firuzəyi rəngli su Ans Latsio çimərliyini nəinki Seyşelin, hətta dünyanın ən yaxşı çimərliklərindən biri edir.

5. Baham adaları, Harbor, Pink-Send-Biç çimərliyi

Baham adalarındakı bu çimərliyin qumu çəhrayı rəngindədir. Çəhrayı rəngli mərcan və balıqqulağı qumu belə qeyri-adi rəngə çevirib. Adada iri turistik komplekslər yoxdur. Əvəzində isə kiçik şəxsi villalar var. Adanın uzunluğu 5, eni isə 1 km-dir. Bu adada avtomobil yoxdur.

4. Maldivi, San Aylend adası

Maldivin ən gözəl və məşhur adalarından biridir. Ağ qum, mavi dəniz, sahildəki bunqala yerdə cənnət həzzi yaşamağa kömək edir.

3. Puerto-Riko, Kulebra adası, Flamenko çimərliyi

Puerto-Rikonun ən gözəl çimərliklərindən biridir. Ağ qum adanın sahilində turistlərin zövqünü oxşayır. Mərcan rifi isə sahili güclü dalğalardan qoruyur. Bəzi turistlər ilin bir neçə ayını adada qalır.

2. Fici, Tısbağa adası

Dünyada cənnətin bir parçası adlandırılır. Təmiz mavi su, sualtı peyzaj, palmalar, qumlu çimərliklər məşhurların sevimli istirahət məkanına çevrilib.

1. Filippin, Borakay, Ağ çimərlik

Borakayın ən məşhur və ən uzun çimərliyidir. Uzunluğu 4 km-dir. Adanın ən bahalı otelləri burada yerləşir. Çimərliyin qumu un kimi narın və bəyaz rənglidir. Adada spirtli içki içmək, siqaret çəkmək və qida qəbul etmək qadağan edilib.

Hikmət
Ölkə.Az