Wi-Fi sağlamlığa ziyandır?

Wi-Fi şüasının zərəri haqda elmi faktlar yoxdur.

Ölkə.Az Rusiya mətbuatına istinadən xəbər verir ki, dünyada internetə daxil olmaq üçün daha çox istifadə edilən simsiz internet sistemi haqqında mənfi fikirlər günü-gündən armaqdadır. Wi-Fi-ın müxtəlif zərərləri barədə bir sıra elmi jurnallarda məqalələr dərc olunub.

Böyük Britaniyada Sağlamlığın qorunması assosiasiyasının alimləri mobil rabitə şüasını Wi-Fi vasitəsilə yayılan şüa ilə müqayisə ediblər. Nəticədə aydın olub ki, mobil rabitə şüasının intensivliyi Wi-Fi vasitəsilə yayılan şüa ilə müqayisədə 5000 dəfə çoxdur və sadə mobil telefon Wi-Fi qoşulma ilə müqayisədə insan orqanizminə daha çox ziyan verir.

Belə ki, Wi-Fi şüasının zərəri haqda məqalələrin əksəriyyəti elmi faktlara əsaslanmasa da, Wi-Fi şüasının sağlamlığa zərərli olduğunu deyənlər çoxalıb. Wi-Fi-da olan ziyanlar haqqında hələlik ciddi elmi araşdırmalar aparılmayıb. Tədqiqatçıların fikrincə, bu barədə hər hansı araşdırma keçirilsə belə, simsiz texnologiyaların istifadəçilərinin sayının azalması real görünmür.

Rəşid Mustafazadə

Ölkə.Az