Aspirini yalnız ürək xəstələri içməlidir?

Dərmanlar və Terapiya Bülleteni dərgisində dərc olunmuş tədqiqata əsasən, ürək-damar xəstəliklərinə malik olmayan şəxslər ürək xəstəliyi və iflicin profilaktikası məqsədilə aspirindən istifadə etməməlidirlər.

DTB araşdırmasında yazılıb ki, aspirin ciddi daxili qanaxma hallarına səbəb ola bilər və ürək-damar xəstəliyinin səbəb olduğu ölüm hallarının qarşını almır.

"Ölkə.Az" milli.az-a istinadən xəbər verir ki, həkimlər hazırda ürək xəstəliyinin qarşısını almaq üçün bu dərmandan istifadə edən xəstələyi müayinə etməlidirlər. Britaniya Kral Terapevt Kolleci DTB-nın məsləhətini dəstəklədiyini bildirir.İnfarkt və iflic keçirmiş xəstələr aşağı dozalarda aspirindən gündəlik istifadə edirlər.

İkinci mərhələ preventasiyası kimi tanınan bu yanaşmanın faydası sübuta yetirilib.Lakin bir çoxları ürəklərində problemlərin yaranacağından ehtiyat edərək, aspirini müdafiə tədbiri kimi qəbul edirlər.

Lanset jurnalında 6 sınaq zamanı 95 min xəstəni müayinə edilməsinin nəticələri barədə dərc olunmuş araşdırma aspirindən belə istifadənin qastro-bağırsaq qanaxması təhlükəsini artırdığını və ölüm hallarının sayına çox az təsir göstərdiyini göstərib.