Darıxdırıcı həyat vaxtsız ölüm riskini xeyli artırır
London universitetindən Martin Çiplinin rəhbərlik etdiyi tədqiqat qrupu belə bir nəticəyə gəlib ki, darıxdırıcı həyat yaşamaq, vaxtsız ölüm riskini demək olar ki, iki dəfə artırır, - Lenta.ru xəbər verir.
"Ölkə.Az" deyerler.org-a istinadən bildirir ki, tədqiqat zamanı 35 yaşından 55 yaşına qədər olan 7524 iş sahibi olan vətəndaşın məlumatları araşdırılıb. Onların 1985-ci ildə həyatlarının nə dərəcədə darıxdırıcı olduğu öyrənilib. Bundan sonra alimlər müəyyən ediblər ki, onların neçəsi 2009-cu ilin aprelinə qədər sağ qalıb.
Məlum olub ki, öz həyatını darıxdırıcı kimi qiymətləndirən şəxslərin vaxtsız ölüm riski, digərlərinə nisbətən 40 faiz çox olub. Alimlərin fikrncə belə xüsusiyyətli şəxslər, ürək-damar xəstəliklərindən əziyyət çəkir.
