Bananın elə bir zərərli tərəfi ortaya çıxdı ki...
"Ölkə.Az" xəbər verir ki, banan həddindən artıq çox istifadə ediləndə insan orqanizmində müəyyən problemlərə səbəb olur. Bu gün oxucularımızı bananın ziyanlı tərəfləri ilə tanış edəcəyik.
Həddən artıq banan qəbul edən insanlarda qəbzlik problemi ortaya çıxır. Arıqlamaq üçün pəhriz saxlayan insanlara həkimlər banandan uzaq durmağı məsləhət görürlər. Çünki banan arıqlama prosesində insanlara mənfi təsir göstərir.
Tropik meyvələrə qarşı allergiyası olan insanlara da banan mənfi təsir göstərir. Əgər banan yedikdən sonra ürəkbulanma, bədəndə qızartı və qaşınma kimi əlamətlər üzə çıxırsa, banandan uzaq durun.
Banan şəkər xəstəsi olan insanlar tərəfindən də çox qəbul edilməməlidir. Tərkibində şəkərin miqdarı çox olduğu üçün bu tip xəstələrdə problemlərin yaranmasına səbəb ola bilər.
Banan sağlamlıq üçün çox ziyanlı deyil. Sadəcə digər meyvələr kimi, bananı da həddən artıq qəbul etmək olmaz. Mütəxəssislərin fikrinə görə gün ərzində 1 banan qəbul etmək daha uyğun sayılır. Çünki daha artıq banan qəbulu müəyyən problemlərə səbəb olur.
Banan çipsi və xəmir xörəkləri kimi kalorili olduğu üçün normadan artıq qəbul etmək kökəlməyə səbəb olur. Mütəxəssislər mədə problemi olan şəxslərin xüsusən bu məsələdə ehtiyatlı olmalı olduqlarını bildiriblər.
Yaşlı insanlarda həddən artıq banan qəbulu ürək xəstəliyi və nəbzin sürətlə vurması kimi problemlərə səbəb ola bilər.
Dişlərində problem olanlar da normadan artıq banan qəbul edəndə diş çürüməsi ilə üz-üzə qala bilərlər.
Ac qarına banan qəbul edən fərdlərdə gün boyunca keylik, yuxuya meyillilik və halısızlıq ortaya çıxa bilər.
Hikmət Həsənov
Ölkə.Az
