Vaqif Səmədoğluna ağı...

Allah rəhmət eləsin, Vaqif Səmədoğluna ağı

Bir şairin canına,
Qıydın fələk sevinmə.
Ahımızı dünyaya,
Yaydın fələk sevinmə.

Ona edərdik qibtə,
Lap qılırdıq biz səcdə.
Ömrünə qansız, nöqtə,
Qoydun fələk sevinmə.

Əclafını, əyrisin.
Öldürmədin qeyrisin.
Nəsimitək dərisin,
Soydun fələk sevinmə.

Ömürdən, ildən alıb,
Fəsildən, güldən alıb.
Bunu da əldən alıb,
Doydun fələk sevinmə...

Müəllif: Fuad Biləsuvarlı
Ölkə.az