"Ən yaxşı Novruz süfrəsi" müsabiqəsi keçirilib

Bakı Dövlət Universitetində Tələbə Həmkarlar İttifaqı Komitəsinin təşkilatçılığı və Azərbaycan Respublikasının  Prezidenti yanında Gənclər Fondunun maliyyə dəstəyi ilə "Ən yaxşı Novruz süfrəsi" müsabiqəsi keçirilib.

Layihə rəhbəri Mətanət Həsənova hər kəsi salamlayıb və müsabiqənin keçirilməsində əməyi keçən hər kəsə təşəkkür edib. O, bütün iştirakçılara uğurlar arzu edib.

Bütün tədbir iştirakçılarını Novruz bayramı münasibətilə təbrik edən rektor Abel Məhərrəmov Novruzun tarixi kökləri, özünəməxsus xüsusiyyətləri haqqında danışıb, bu bayramın sülh, dostluq, mənəvi saflıq, barışıq, birlik, bərəkətlilik, təbiətin oyanışı kimi xarakterizə edib.

17 Novruz səhnəsinə baxışdan sonra münsiflər heyətinin qərarına uyğun olaraq qaliblər müəyyənləşdirilib. Birinci yerə kitabxanaçılıq-informasiya fakültəsi layiq görülüb və fakültəyə 400 manat mükafat verilib.

Digər 16 fakültə 2-ci yeri tutublar və onların hər birinə 300 manat mükafat verilib.

Ölkə.Az