“Aktrisa” filmi necə çəkilib?
Filmin çəkilməsi barədə onun yaradıcıları danışır.
Ölkə.Az xəbər verir ki, 2011-ci ildə çəkilmiş "Aktrisa" filminin yaradıcıları gənc jurnalistlərə əsərin ərsəyə gəlməsi barədə danışıblar.
Kriminal-dram janrında çəkilmiş filmdə bir-birinin ardınca törədilmiş 3 qətl hadisəsindən bəhs edilir. Peşəkar müstəntiq inanır ki, bu qətllərin üstünün açılması bir parolun tapılmasından asılıdır.
"Aktrisa" bədii filminin ssenari müəllifləri İlqar Fəhmi, Rövşən İsax, quruluşçu-operatoru Rövşən Quliyev, bəstəkarlar Vasif Arifoğlu, Nazim Əhmədov, səs rejissoru: Orxan Ağalarov, montaj rejissoru: Vüqar Əmirov
montajçı İlham Məhərrəmov, icraçı prodüserləri Abdulnəsir Kutiyev, Rizvan Məmmədovdur. Filmdə rolları Fuad Poladov, Alesa Kaçer, İlham Hüseynov, Rövşən İsax, Şövqi Hüseynov, Məlahət Əhməd, Rəşad Səfərov, Salam İsmayılov və başqaları canlandırıblar.
Təqdim etdiyimiz süjetdə "Aktrisa" bədii filminin ssenari müəllifi İlqar Fəhmi və həm ssenari müəllifi, həm də rejissor, aktyor Rövşən İsax "Aktrisa" filminin çəkilişindən bəhs edib.
Süjetin müəllifləri BDU Jurnalistika fakültəsi 2-ci kurs tələbələri Lamiyə Süleymanlı, Nəzrin Cavid, Yusif Cəlilli və Elvin Mahmudzadədir.
Ölkə.Az
