Xəstəxanaya yerləşdirilən tanınmış aktyorumuz danışdı

Azərbaycan Dövlət Akademik Milli Dram Teatrının tanınmış aktyoru Rövşən Kərimduxt səhhətindəki problemlərlə bağlı Olkə.az-a danışıb.

Hazırda xəstəxanada olan aktyor aprelin 3-də ağır vəziyyətdə Sumqayıt şəhər 1 saylı xəstəxanasına yerləşdirildiyini bildirib:

"Ayın 3-də böyrəyimdən bərk ağrı tutdu. Mənim həm də şəkərim var. Böyrəyimlə bağlı isə ilk problem deyil. Təxminən 4-5 il əvvəl də böyrəyimə görə xəstəxanada yatmışam. Əgər yaxşı olsam, ayın 17-də evə buraxılacağam. Amma vəziyyətim həkimləri qane etməsə, yəqin ki, 24-də məni evə yazacaqlar".

R.Kərimduxt bildirib ki, xəstəxanada olduğu müddətdə həmkarları və işlədiyi teatrın rəhbərliyi onunla əlaqə saxlayıb:

"Sumqayıt xəstəxanasında olduğuma görə hamı gələ bilmir. Amma sağ olsunlar, zəng edib maraqlanıblar. Mənə lazım olanlar yanıma gəlirlər də, zəng də edirlər".

Qeyd edək ki, aktyorun xəstəxanaya yerləşdirilməsi xəbərini xeberle.com saytı yaymışdı.

İntiqam VALEHOĞLU
Ölkə.az