"Azdrama"da narazılıq pik həddə: narazılar Əbülfəs Qarayevdən kömək istədi

Dövlət Akademik Milli Dram Teatrında yenidən vəziyyət gərginləşib. Xalq artisti Məleykə Əsədovanın ardınca daha bir neçə aktrisa direktora etiraz etməyi düşünür. Teatrdan Ölkə.Az-a daxil olan məlumata görə, son günlər "Azdrama"da narazıların sayı xeyli artıb:

"Əvvəl 3-4 nəfər narazı var idi. İndi isə İSrafil İsrafilovdan razı olan 3-4 adam qalıb. Çünki təklifləri qəbul etmir, bizi dinləmir".

Əldə etdiyimiz digər məlumata görə, narazı aktyor və aktrisalar İsrafilovdan mədəniyyət və turizm naziri Əbülfəs Qarayevə rəsmi qaydada şşikayət etməyi düşünürlər:

"Nazirə müraciət edəcəyik. Axı belə iş olmaz. Bu adam teatra diretor təyin olunandan aləm dəyib bir-birinə. Bəlkə nazir bizim dərdimizə əlac edə".

Qeyd edək kİ. “Mənim günahım” adlı tamaşanın məşq prosesi zamanı Məleykə Əsədova ilə teatrın direktoru İsrafil İsrafilov arasında gərginlik yaşanmışdı. Aznews.az saytının yaydığı xəbərdə bildirilir ki, direktor rejissorun qarşısında tamaşanın bir çox yerlərinə düzəlişlərin edilməsi şərtini qoyub. İ.İsrafilovun bu göstərişindən əsəbiləşən “Nurcahan” obrazının ifaçısı Məleyk Əsədova direktora ağır sözlər deyib: “Sən direktor olandan bu günə kimi teatrı pis günə qoymusan. Sənin kimi adamla işləmək istəmirəm”.

İsrafil İsrafilov isə ona işdən çıxmağı məsləhət görüb: “İşləmək istəmirsənsə, ərizəni yaz, get”. Məleykə xanım da direktorun bu sözündən sonra ərizə yazaraq, teatrın binasını tərk edib.

İntiqam VALEHOĞLU
Ölkə.Az