"Moşu": "Oğlum işsizdir, ailənin yükü mənim çiynimdədir"

"Teatrdan yaşıma görə uzaqlaşdırılmışam"

 "Hazırda heç bir teatrda işləmirəm. Yeganə rəsmi iş yerim Mədəniyyət və İncəsənət Universitetidir, orada müəlliməm. Amma yaxşı ki prezident təqaüdü alıram, yoxsa dolana bilməzdim. On ildir elə o pulla dolanıram".

Bu fikirləri Ölkə.Az-a açıqlamasında hər kəsin "Moşu" kimi tanıdığı məşhur aktyor, xalq artisti Valeh Kərimov səsləndirib. Aktyor Sumqayıt Dövlət Dram Teatrından işdən uzaqlaşdırılandan ona heç bir təklifin olunmadığını da bildirib:

"Teatrdan yaşıma görə uzaqlaşdırılmışam. Ondan sonra da heç bir təklif olunmayıb. Görünür teatra lazım deyiləm".

Sənətkar ailəsinin maddi duruma barədə də danışıb:

"Oğlum işləmir, ailəyə mən baxıram. Onun işləməyi həll olunası məsələ deyil. Yazıq işsiz gəzir də. Ailənin bütün yükü mənim üstümdədir".

İntiqam VALEHOĞLU

Ölkə.Az