Şəkililərin Türkiyədəki "Xəsislik"i
Sabit Rəhman adına Şəki Dövlət Dram Teatrının kollektivi Türkiyəyə yola düşüb.
Bu barədə Ölkə.Az-a teatrın aparıcı aktrisası Sima Şabanova məlumat verib. Onun sözlərinə görə yumor şəhəri təmsilçiləri aprelin 15-dən mayın 1-dək Türkiyənin Konya şəhərində keçiriləcək beynəlxalq teatr festivalında ölkəmizi təmsil edəcək. Kollektiv Türkiyə tamaşaçısı qarşısına Molyerin "Xəsis" əsəri əsasında hazırlanmış tamaşayla çıxacaq.
Qeyd edək ki, əməkdar incədənət xadimi Mirbala Səlimlinin quruluş verdiyi tamaşada əsas rolları Pərviz İsmayılov, Rəhim Qocayev, Əbülfət Salahov, Xanlar Həşimzadə, Brilliant Babayeva, Lalə Məmmədova və Sima Şabanova oynayacaqlar.
İntiqam VALEHOĞLU
Ölkə. Az
