Xalq artisti əsgərlər qarşısında çıxış edəcək

Xalq artisti İlhamə Quliyeva Beyləqanda əsgərlər qarşısında çıxış edəcək.

Bu barədə Ölkə.az-a sənətkarın özü açıqlama verib. O, bildirib ki, konsert bu gün axşam 8-də başlayacaq.

"Dünən Beyləqanın icra başçısı Vaqif Abdullayevlə, digər rəhbər şəxslərlə görüşümüz oldu. Bu gün isə əsgərlər qarşısında çıxış edəcəyik. Bura məndən başqa digər sənətçilər də gəliblər. Qoy düşmənlər görsünlər ki, biz varıq və həmişə də olacağıq", deyə İlhamə Quliyeva bildirib.

Qeyd edək ki, konsert "Lider" televiziyası ilə canlı yayımlanacaq.

İntiqam VALEHOĞLU
Ölkə.az