Mətn ölçüsü:
  • 100%

Van Dammın azərbaycanlı gəlninin uğur yolu: "Ən böyük arzum.." - FOTOLAR

Dünyaca məşhur döyüş sənəti ustası Jan-Klod Van Dammın oğlu VanKristopher Van Varenberglə ailə qurduğu deyilən Suada Hacızadə ölkə gündəmini zəbt edib.

“Ölkə.az” xəbər verir ki, mediada S.Hacızadənin evlilik fotoları və pianoçu olmasından əlavə o qədər də ətraflə məlumat yoxdur.

“Ölkə.az” S.Hacızadə haqqında məlumatları təqdim edir:

Hacızadə Suada Elxan qızı 24 oktyabr 1999-cu il Bakı şəhərində dünyaya gəlib. O, hələ uşaqlıqdan böyük həvəslə musiqiyə qulaq asırdı, hətta anası onun üçün sevdiyi musiqilərin videokliplərini xüsusi kassetlərə yazmaqla məşğul idi. Bundan əlavə mahnılar oxuyurdu, televizorda yayımlanan uşaq verilişləri, konsertləri və hətta reklam kliplərini həvəslə izləyirdi. Uşaq oyunlarını və xüsusi ilə rəqs etməyi olduqca çox sevirdi. 

S.Hacızadə təxminən 4 yaşından bədii gimnastika ilə məşğul olmağa başlayıb. Bakı Avropa Liseyinə daxil olmamış uşaq ensiklopediyasını oxuyub, hətta qalaktimamız və planetlər barədə ilkin məlumatları öyrənib, təbiətlə, flora və fauna ilə çox maraqlanırdı. 

Musiqiyə marağını nəzərə alan valideynləri Suadanı 3 yaşından Uşaq Filarmoniyasına, Oqtay Zulfüqarovun rəhbərlik etdiyi ansamba gətiriblər.

Oqtay müəllimlə məşğul olmağı Suadanın gələcəyinə böyük təsir göstərib. Suadanın anası və nənəsi şeirlər, poemalar yazırlar. Azərbaycanın məşhur tarizənlərdən biri Şirin Axundovun qohumla genləri də balaca Suadanın ilk cixişlarından ozünü büruzə verib.

Ölkə.az xəbər verir ki, Oqtay Zulfüqarovun rəhbərliyi altında atılan ilk addımlar Suadanı Yasamal rayonundakı 16 saylı Uşaq Musiqi Məktəbinə gətirib çıxarıb. O, ilk məktəb təhsilinə Bakı Avropa Liseyində başlayıb.

7 sentyabr 2012-ci il tarixində Estoniyanın Tallin şəhərində “Narva ulduzları yandırır” adlı beynəlxalq fortepiano müsabiqəsində III yer laureatı, Azərbaycan bəstakarlarının əsərlərinin parlaq ifasına görə diploma və xüsusi improvizasiyalarına görə diploma layiq görülüb. 22-23 mart 2013-cü ildə Estoniyanın Narva şəhərində dahi bəstəkar İohan Sebastyan Baxın şərəfinə gənc pianoçular arasında keçirilən Beynəlxalq müsabiqəsində 2 yerin laureatı, dünya şöhrətli müsiqiçi Mixail Kazinnik tərəfindən təşkil edilən usta dərslərdə iştirak etmiş və fəal iştirakına görə fəxri diplomla təltif olunub. Həmin il Hollandiyanın Hilversum şəhərində “Perpetuum Mobile” fortepiano üzrə Beynəlxalq Müsabiqəsində II yerin laureatı, 23-30. 03. 2014-cü il tarixində Polşanın Varşava şəhərində “Juliyus Zarebski” adına fortepiano üzrə XIV Beynəlxalq Müsabiqəsində II yerin laureatı, 30. 05-13. 06. 2014-cü il tarixində Rus Mədəniyyəti Mərkəzinin Mixail Lermontovun 200 illik yubileyi ilə əlaqədar keçirdiyi “Rodniki Dushi” adlı X respublika müsabiqə-festivalında ən yaxşı rus xalq və klassik musiqisinin ifasına görə I yerin laureatı, 30. 05. 2014-cü il tarixində Ailə, Qadın və Uşaq Problemləri üzrə Dövlət Komitəsi tərəfindən Muğam mərkəzində keçirilmiş “İstedadlı Uşaqlar Festivalı”-da musiqi sahəsində qazandığı uğurlara və nailiyyətlərinə görə “Azərbaycanın Gələcəyi” mukafatına layiq görülmüş və diplomla təltif olunub. 

2014-cü ilin may ayında Mədəniyyət və Turizm Nazirliyi, Uşaq və Tələbə Gənclər Dünyası İctimai Birliyinin təşkilatçılığı və Gənclər Fondunun dəstəyi ilə uşaq və gənclər üçün musiqi festivalı layihəsində Georgiy Şaroyev adına gənc pianoçuların ümümməktəb festivalında uğurlu cıxışına görə I dərəcəli diplomla təltif olunub.

Dövlət Filarmoniyasında Dövlət Simfonik Orkestri və Kamera Orkestrlərı ilə konsertlər verib. 
Gələcəkdə ixtisası üzrə ən yüksək nailiyyətlər əldə etmək və dünya səhnələrində Azərbaycanın görkəmli pianoçusu kimi tanınmaq arzusunda olan istedadlı ifaçı bunları deyib:

“Hər insanın bir arzusu var, mənim də arzum dünyanın ən tanınmış ifaçıları sırasında olmaqdır və ən məhşur dünya səhnələrində Azərbaycan mədəniyyəti və musiqisini bütün dünyaya tanıtmaq və bizim tariximizi, Qarabağ haqqında bütün həqiqətləri dünya ictimaiyyətinə çatdırmaqdır”.