“Brilliant əl” filminin aktyorunun Bakı xatirələri - FOTOLAR

Azərbaycan özünün qonaqpərvərliyi ilə məşhur olduğu kimi məşhur, tanınmış qonaqları ilə də ad qazanıb.

Bakıda dünyanın ən müxtəlif sahələrini təmsil edən dünyaca məhşur insanlar olub və Azərbaycanın qonaqpərvərliyinə, Bakının gözəlliyinə valeh olub. Bunlardan biri də, xüsusən 40 yaşdan yuxarı olan insanların yaddaşına hopmuş aktyor Yuri Nikulindir. Onun adı çəkiləndə istər-istəməz simalarda xüsusi bir təbəssüm yaranır.

 "Brilliant əl" filminin çəkilişləri zamanı Bakıda olmuş Sovet və Rusiya kino aktyoru, kloun, SSRİ xalq artisti Yuri Nikulin şəhərdə olduğu müddətdə çəkilən fotolara hopmuş xatirələrini oxuculara təqdim edirik.

Məşhur aktyor Yuri Nikulin “Brilliant əl” filminin bir hissəsinin Bakıdakı İçərişəhərdə çəkilişi zamanı, 1968-ci ildə Azərbaycan paytaxtına gəlib və 15 gün şəhərimizin qonağı olub.

Nikulin Bakı haqqında xatirlərində belə deyib:  “Azərbaycan havasını udmaq mənə təkcə “Brilliant əl” filminin çəkilişləri zamanı nəsib olmadı, həm də Bakı Dövlət Sirkinin açılışı zamanı bu xoşbəxtliyi daddım. 

Həmin günlərdə qədimi şəhərdə gəzdim, ağsaqqallar və yeniyetmələrlə danışdım. Məni hətta çox məşhur insanlar kababa belə, qonaq etmişdilər. Həmin şəxslərin adını xatırlamıram, lakin azərbaycansayağı tələffüz edildiyi yadımdadır”. 

Ölkə.Az