“Euronews” Bakıdan reportaj yayımladı

“Euronews” telekanalının “Le mag” proqramı 17-24 may tarixlərində Bakıda keçirilmiş VIII Beynəlxalq Mstislav Rostropoviç festivalı haqqında reportaj yayımlayıb.

Mədəniyyət və Turizm Nazirliyinin İctimaiyyətlə Əlaqələr Şöbəsindən Ölkə.Az-a verilən məlumata görə, reportajda 8 il əvvəl Mstislav Rostropoviçin 100 illik yubliyelinə həsr olunmuş festivalın əsasının qoyulduğu bildirilir.

“Bakıda Mstislav Rostropoviç festivalı” adlı reportajda Qaydna, Vivaldi, Leonkavallo, Çaykovskinin əsərlərinin Ü.Hacıbəyli adına Azərbaycan Dövlət Simfonik Orkestri, o cümlədən Rikkardo Mutinin idarəçiliyi ilə Luici Kerubini Gənclər Simfonik Orkestri, konsertin bədii rəhbəri və baş dirijoru Rikkardo Mutinin ifasında səsləndiyi qeyd olunur.

Reportajda festivalın bədii rəhbəri Olqa Rostropoviçin atası haqqında verdiyi geniş məlumatlar da yer alıb.

Bununla yanaşı, reportajda məhşur skripkaçı Arsenin Çubaninin və saksafon ustası İqor Butmanın Rostropoviç və festival haqqında fikirləri də geniş yer alıb.

Ölkə.Az