Azərbaycanlı yazıçının əsəri “Ölmədən əvvəl oxunası 1001 kitab”da
Natəvan Dəmirçioğlunun kitabı İstanbulda türk dilində nəşr olunub.
Ölkə.Az xəbər verir ki, azərbaycanlı yazıçı-publisist Natəvan Dəmirçioğlunun “Yetim” adlı əsəri “Ölmədən əvvəl oxunası 1001 kitab” adı altında "2014-ün ən yaxşı 50 romanı" seriyasında çap edilib.
Bir sıra ictimai əhəmiyyətli hadisələrdən bəhs edən və orijinal insan surətləri ilə ədəbiyyatımızda maraqla qarşılanan “Yetim” povesti türk oxucuların da diqqətini çəkib. Dəmirçioğlu bildirib ki, kitabı türk dilinə Seyfəddin Altaylı uyğunlaşdırıb. Onun sözlərinə görə, “Birleşik Kitabevi”nin 2015-ci il nəşrlərindən olan “Yetim” türk dünyası oxucuları üçün nəzərdə tutulub və satışı Türkiyədə həyata keçiriləcək.
Filologiya üzrə fəlsəfə doktoru, prezident təqaüdçüsü Natəvan Dəmirçioğlunun “Yetim” povesti “Qılınc və qələm” mükafatına da layiq görülüb.
Rəşid Mustafazadə
Ölkə.Az
