Tanınmış aktyorun imza günü keçiriləcək

İyunun 4-də Bakı Uşaq Teatrının direktoru və bədii rəhbəri, tanınmış aktyor İntiqam Soltanın “Və s. Və s Və s. ” kitabının təqdimatı və imza günü keçiriləcək.

Ölkə.Az xəbər verir ki, kitabda İntiqam Soltanın cəmiyyətdə rast gəlinən nöqsanlara qarşı qırmanclayıcı münasibətini əks etdirən hekayələri, felyetonları, müşahidələri və s. yer alıb.

Qeyd edək ki, aktyor Azərbaycan Dövlət Mədəniyyət və İncəsənət Universitetini bitirdikdən sonra Dövlət İrəvan Dram Teatrında və Dövlət Gənclər Teatrında aktyor kimi çalışıb, yaratdığı maraqlı rollarla teatr və eləcə də televiziya tamaşaçılarının rəğbətini qazanıb. Xatırladaq ki, “Və s. Və s Və s” İ.Soltanın ikinci kitabıdır. 2014-cü ildə onun “Səndən xəbərsiz” adlı kitabı işıq üzü görüb.

İntiqam VALEHOĞLU
Ölkə.Az