Azərbaycan filmlərində də oynamış Rusiyanın məşhur aktyoru vəfat edib - FOTO
"Ölkə.Az"ın məlumatına görə, bu barədə teatrın Facebook səhifəsində məlumat verilib.
Qeyd edək ki, Rəsmi Cəbrayılov 1932-ci il dekabrın 8-də Rusiyanın Dağıstan respublikasının Qasımkənd rayonunda anadan olub.
Rəsmi Cəbrayılov 1964-cü ildən Taqanka Teatrında çalışır. 2002-ci ildə Vladimir Mayakovski adına Moskva Akademik Teatrının truppasına daxil olub. Rəsmi Cəbrayılov 1987-ci ildə Əməkdar artist fəxri adına layiq görülüb. 2000-ci ildə ədəbiyyat və incəsənət sahəsində Rusiya Federasiyasının Dövlət Mükafatı laureatı, 2019-cu ildə milli mədəniyyətin və incəsənətin inkişafındakı böyük xidmətlərinə və uzun illər səmərəli fəaliyyətinə görə II dərəcəli “Vətənə xidmətə görə” ordeni ilə təltif edilib.
O, Azərbaycan kinosunda “1001-ci qastrol!, “De ki, məni sevirsən!”, “İşgüzar səfər”, “Nizami”, “Bəyin oğurlanması”, “Alman klinikasına şəxsi səfər” və “Ölsəm... bağışla” filmlərində maraqlı obrazlar yaradıb.