Gənc azərbaycanlı Texas ştatının fəxri vətəndaşı oldu
Azərbaycanlı gənc vokalçı Emin Eminzadə dünyaca məhşur olan musiqi akademiyasına daxil olub.
Bu yerdə təhsil alan ilk azərbaycanlı kimi də tarixə düşən Eminzadə Azərbaycan mədəniyyətini dünya arenasında layiqincə təbliq etmək üçün daim öz üzərində işləyir.
Ölkə.Az ANS TV-yə istinadən xəbər verir ki, bir sıra beynəlxalq müsabiqələrin laureatı, 18 yaşlı bu istedadlı gənc bir il ABŞ Dövlət Departamentinin xətti və Azərbaycan Respublikası Təhsil Nazirliyinin dəstəyilə Texas ştatında musiqi təhsili alıb.
Təhsil aldığı müddətdə isə Emin imtahanları uğurla keçərək Amerika Musiqili və Dramatik Akademiyasına daxil olub.
Qeyd edək ki, Emin dünyaca məhşur olan musiqi akademiyasına daxil olan ilk Azərbaycanlı kimi də tarixə düşüb.
“Dəfələrlə Amerikanın müxtəlif ştatlarında, o cümlədən də Texasda təşkil olunan arenalarda çıxış etmişəm. Çıxışımla böyük tamaşaçı kütləsi qazanmışam”, – deyə gənc vokalçı Emin Eminzadə bildirib.
Emin deyir ki, Amerikada yaşadığı dövrdə Texas ştatında dəfələrə Azərbaycan mədəniyyəti və incəsənətini təbliğ edən prezentasiyalar təşkil edib və Azərbaycan mədəniyyətilə amerikalıları yaxından tanış edib.
Bu fəallığına görə Emin Eminzadəyə Texas rəhbərliyi tərəfindən ştatın fəxri vətəndaşı statusu da verilib. Emin dünya arenasında Azərbaycan mədəniyyətini layiqincə təbliğ etmək üçün daim öz üzərində işlədiyini və musiqi biliklərini artırdığını deyir:
“İngilis dilini təkminləşdirdim, eləcə də İspan və İtaliyan dillərin öyrənməyə başladım. Gəlcəkdə İtaliya və Niderland Krallılğında konsert verəcəyim gözlənilir. İstərdim ki, Bakıda da konsert verim. Planda hələ ki, bu yoxdur. Amma bunun üzərində çalışıram”.
Xatırladaq ki, Emin Eminzadə bu günə qədər İtaliya, İspaniya, Qazaxıstan və Hollandiyada keçirilən beynəlxalq musiqi müsabiqələrinin laureatı adina layiq görülüb.
Ölkə.Az
