\"Mənə sərəncamı göndərdilər, çox sevindim\"

"Bu günün özəlliyi ondan ibarətdir ki, 10 may tarixidir. Səhər AzTV-nin efirində Ulu öndər Heydər Əliyevdən, onun  mədəniyyət sahəsinə göstərdiyi diqqətdən danışırdıq. Veriliş bitdikdən sonra mənə sərəncamı göndərdilər. Çox sevindim". 

Bu sözləri Ölkə.Az-a açıqlamasında Əməkdar artist Elnur Kərimov Prezident İlham Əliyev incəsənət xadimlərinə Prezidentin mükafatlarının verilməsi haqqında sərəncamı barədə danışarkən deyib. Təltif edilənlərdən biri olan aktyor bu mükafatın 22 illlik sənət həyatında ilk olduğunu bildirib:

"Mənim təqdimatım məhz teatrdan gedib. Buna görə çalışdığım teatrın rəhbərliyinə, Mədəniyyət Nazirliyinə, Fərəc xanıma xüsusi təşəkkürümü bildirirəm. Ən əsas təşəkkürüm isə ölkə başçısı cənab Prezidentə gəlir ki, bu özəl və gözəl gündə -10 may tarixində, ulu öndərin 99-cü ildönümündə məhz bir sıra incəsənət xadimlərini mükafata layiq gördü. Onlardan da biri mənəm. Buna görə bir daha dövlət başçısına təşəkkürümü bildirmək istəyirəm. İnşallah, ayın 12-də Xarı Bülbül Beynəlxalq Festivalında da aparıcı olacağam. Orada birbaşa prezidentimizə təşəkkürümü bildirəcəyəm. 

Əməkdar artist fəxri fəxri adına 2018-ci ildə layiq görülmüşəm. Amma ilk dəfədir mükafat alıram. Bu, mənim 22 illik teatr fəaliyyətimdə aldığım ilk mükafatdır",- aktyor söyləyib.

Əməkdar artist  Ayşad Məmmədov isə Ölkə.Az-a açıqlamasında xoş xəbəri festivaldan qayıdarkən, yolda aldığını deyib:

"Bu saat yolda Trabzondan festivaldan gəlirik. Xoş xəbəri yolda həmkarlarım verdilər. Avtobusda olan aktyorlardan bir neçəsi də mükafata layiq görülüb. Sevincliyik. İstəyirik Bakıya tez çataq", - o deyib.

Qeyd edək ki, Prezident İlham Əliyev incəsənət xadimlərinə Azərbaycan Respublikası Prezidentinin mükafatlarının verilməsi haqqında sərəncam imzalayıb.

Billurə Yunus