Renat İbrahimov vəfat edib

Rusiya xalq artisti Renat İbrahimov 74 yaşında vəfat edib. "Ölkə.az" xəbər verir ki, bu barədə TASS-a müğənninin direktoru Aleksandr Yakovlev məlumat verib.

“Təəssüf ki, bizim yaxşı müəllimimiz, Mahnı Teatrının bədii rəhbəri yoxdu”

Yakovlevin sözlərinə görə, xalq artistinin ölümü üç saatdan az əvvəl baş verib. Vida və dəfn tarixi daha sonra müəyyənləşəcək.

Renat İbrahimov 1947-ci il noyabrın 20-də Lvovda anadan olub və tezliklə ailəsi Kazana köçüb. İbrahimov orada musiqi məktəbini və Kazan Dövlət Konservatoriyasını bitirib, həmçinin Tatar Akademik Opera və Balet Teatrının səhnəsində əmək fəaliyyətinə başlayıb. “Knyaz İqor” və “Yevgeni Onegin” operalarında, eləcə də “Karmen”də Eskamillo, “Faust”da Valentin, “Maça kraliçası”nda baş rolları ifa edib.

1974-cü ilin oktyabrında İbrahimov Estrada artistlərinin V Ümumittifaq müsabiqəsinin laureatı olub. Musiqi ilə yanaşı, İbrahimov kinematoqrafiya ilə də məşğul olub, bir sıra filmlərdə rol alıb, onlardan ən məşhuru 1993-cü ildə çəkilən “İtalyan müqaviləsi” olub.

Elvin

Ölkə.az