Heydər Əliyev Rəşid Behbudovun bu addımına niyə təəccüblənmişdi?

Bu gün dünyaş öhrətli ifaçı, Azərbaycan və SSRİ-nin xalq artisti Rəşid Behbudovun anım günüdür.

"Ölkə.az" kult.az-a istinadla sənətkar haqqında maraqlı faktları təqdim edir.

- Rəşid Behbudov 15 yaşı olarkən ifaçılıq fəaliyyətinə başlayıb.

- O, 50-dən çox xalqın mahnısını öz dilində ifa edib.

- “Bəxtiyar" filmində oynadığı obraz sanki öz həyatı idi. Çünki o da uşaq yaşlarından məktəb xorunda oxumuş, 1933-cü ildə isə Dəmiryolu Texnikumunda təhsil almışdı.

- Ötən əsrin sonlarında baş verən hadisələr hər bir azərbaycanlı kimi Rəşid Behbudovu da qəzəbləndirmişdi. Elə bu hadisələr ərəfəsində 1988-ci ildə onun rəhbərliyi ilə Mahnı Teatrının üzvləri bir aylıq Hindistana səfərə yollanırlar. Orada Ravi adlı tərcüman Rəşid Behbudova “burada siz tərəflərdən gələn Stepan Şaumyan 10 il bundan əvvəl dəfn olunub” deyir. Bundan sonra həmin tərcüman vasitəsilə Rəşid Behbudova kaset verilir. Səfərdən qayıdandan sonra Rəşid Behbudov Moskvaya yollanır və həmin kaseti rus-erməni işbirliyinin və Şaumyanın güllələnməməsinin dəlili kimi Qorbaçova təqdim edir. Bu hadisədən sonra Rəşid Behbudova qarşı təzyiqlər başlayır.

- Rəşid Behbudov İndira Qandi, Mao Tzedun və İran şahı Мəhəmməd Rza Pəhləvi qarşısında konsert verib. Həmçinin Hindistanla sıx əlaqələri olan ifaçı məhşur «Bollivud» ulduzu Rac Kapurla yaxın dost olub.

- R.Behbudovun həyat yoldaşı Ceyran xanım 1999-cu ildə verdiyi müsahibəsində deyir ki,

“SSRİ Ali Sovetinin iclasında Azərbaycan nümayəndə heyətindən heç kim iclasda iştirak edən Heydər Əliyevə yaxınlaşmır. Rəşid isə Heydər Əliyevə yaxınlaşır, görüşür. Heydər Əliyev təəccüblənir və Rəşiddən soruşur ki, “Nə yaxşı mənə yaxınlaşdın. Axı indi hamı məndən qaçır. Salam verməyə belə cəsarət etmir”.

-O, 1968-ci ildə ilk Mahnı Teatrını təşkil edib.