Flora Kərimova: "Ən böyük hədiyyəm..."
Bu gün Azərbaycanın Xalq artisti, dəyərli sənətkarımız Flora Kərimova 74 yaşını qeyd edir.
Sənətkar doğum günündə Ölkə.Az-ın suallarını cavablandırıb.
- Flora xanım, doğum gününüzü kimlərlə və hansı formada qeyd edəcəksiniz
- Mən ümumiyyətlə, doğum günlərimi qeyd etmirəm. Amma tanışlar təbrik üçün evimə gəlirlər.
- Yəqin ki, ilk təbriki övladlarınızdan aldınız...
- Bəli, oğlum, qızım məni bir həftədir ki, təbrik edirlər.
- İndiyə kimi ən yaddaqalan doğum gününüz hansı olub?
- O haqda düşünməmişəm. Bu, ümumiyyətlə, ab-havadan asılıdır. Ölkəmdə vəziyyət pis olanda doğum günüm haqda heç düşünmürəm. Həm də 22 ildir ki, doğum günüm Ağdamın işğal gününə təsadüf edir. Ona görə də qeyd etmirəm.
- Doğum gününüzdə almaq istədiyiniz xüsusi bir hədiyyə varmı?
- Mən çox sevdiyim hədiyyələrimi övladlarımın simasında almışam. Ən böyük hədiyyəm azərbaycanlı olmağımdır.
- Pərəstişkarlarınız sizdən konsert gözləyirlər...
-Vaxtilə mənim sənətimə, düşüncələrimə dəyər verməyiblər. Çox insan mənim siyasi baxışlarımdan qorxurdu. Konsertə həvəsim olduğu zamanlarda yiyə duran olmayıb. İndi isə mənim konsert vermək fikrim yoxdur.
Səda Bədirova
Ölkə.az