Fidan və Xuraman Qasımovalarla görüş olacaq
Xalq artistləri Fidan və Xuraman Qasımovalarla görüş təşkil ediləcək.
Tədbir 17 oktyabr, saat 19:00-da Bakı Muğam Mərkəzində keçiriləcək.
Ümummilli Lider Heydər Əliyevin anadan olmasının 100-cü ildönümünə həsr olunmuş tədbirlər proqramı çərçivəsində həyata keçirilən görüşdə Ulu Öndər Heydər Əliyevin peşəkar Azərbaycan musiqi mədəniyyətinin inkişafındakı xidmətləri, milli vokal məktəbinin yaranması və klassik ifaçılıq üslubunun təbliği, akademik pedaqoji fəaliyyət və peşəkar yanaşmanın tətbiqindən bəhs ediləcək. Tədbir müddətində həmçinin “Azərbaycan musiqi mədəniyyətinin inkişafında Heydər Əliyev amili”, “Dünya opera sənətinin tədrisində inkişaf perspektivləri” və “Dahi liderlə ən səmimi anlar” mövzularında panel müzakirələrin keçirilməsi nəzərdə tutulur.
Görüşün bədii hissəsində əməkdar artistlər Rəna Ağayeva və Nigar Məlikovanın pianoda müşayiəti ilə xalq artisti Samir Cəfərov, əməkdar artistlər Fəridə Məmmədova, Səbinə Əsədova, Aqşin Abdullayev və Akedemik Opera və Balet Teatrının solisti Fatimə Cəfərzadənin ifasında Azərbaycan və Avropa bəstəkarlarının klassik əsərləri təqdim ediləcək.
Görüşdə iştirak etmək istəyən gənclər aşağıdakı link vasitəsilə qeydiyyatdan keçə bilərlər: https://shorturl.at/hkrvG
