Qadağa yoxdur, həyətimdə də Qız qalası tikə bilərəm - AÇIQLAMA

Mən Qız qalasının və ya digər abidələrin formasını evimin yaxınlığında və ya həyətimdə, bağ evimdə tikə bilərəm. Bununla bağlı qadağa mövcud deyil.

Bu sözləri Ölkə.Az-a açıqlamasında tədqiqatçı-alim Faiq İsmayılov tarixi abidələrə oxşar bina və ya ictimi iaşə obyektlərinin tikilməsi ilə bağlı danışarkən deyib. O bildirib ki, tarixi abidələrin maketləri və ya oxşarları müxtəlif yerlərdə ola bilər:

“Qız qalası” yenidən gündəmdə: bu dəfə Elmar Vəliyevin adını çəkdilər - FOTO

"Bu cür maketlərin qiyməti alınan qiymətdir, tarixi baxımdan ölçülmür. Bu cürr tikililərin olması hörmətsizlik kimi qəbul edilməməlidir. 

Məsələn bir insan Şuşa qalasını və yaxud da Qız qalasının formasında özünə bir restoran tikirsə, bu, onun istəyindən irəli gəlir. O, qəbahət bir iş görmür, sevgisindən, abidələrə münasibətindən irəli gəlir. Bunun nə ziyanı var ki?!  Hansısa Şuşa qalasına oxşar restorana rast gəlsəm, məndə xoş duyğular yaranar və  bir anlıq o qalanın tarixi yadıma düşər. Abidələri belə qapamaq olmaz. Tikilən restoran abidə deyil və olmayacaq. Yenə də deyirəm, qəbahət görmürəm".

Billurə Yunus