Xanım bəstəkarımız həmkarından oğurluq etdi

Bəstəkar Sədaqət Arifqızının Zemfira Əlişqızının sözlərinə yazdığı "Səndən ötəri" mahnısı oğurlanıb.

Bu barədə Ölkə.Az-a S.Arifqızı özü açıqlama verib. Bəstəkarın sözlərinə görə, 2000-ci ildə müğənni Bəsti Bəkirova üçün yazdığı mahnını bu günlərdə Rövşən Əzizin ifasında başqa mətnlə eşidib:

"Rövşən Əzizə bildirdim ki, axı bu mənim mahnımdır. Dedi ki, mahnını Sevda Məmmədlidən almışam. Halbuki "Səndən ötəri" 15 il öncə yazılıb, müəllif diskimdə çıxıb və bu gün də sevilir. Həmin mahnıya Bəsti Bəkirova klip də çəkdirdi və əməkdar artist Ötkəm İsgəndərov da həmin klipdə çəkilmişdi. Amma mənim mahnımın "Sən həmişə mənimləsən" adı ilə oxunmasına çox pis oluram. Ən pisi odur ki, sentyabrın 5-də Rövşən Əzizdən Sevda Məmmədliyə xəbər göndərdim, amma hələ ki heç bir cavab yoxdur. Başa düşürəm, bəstəkar bilmədən oxşar mahnı yaza bilər. Ancaq bu mahnının nəqarəti mənim yazdığımın eynisidir".

Sonda hər iki ifanı təqdim edirik, özünüz qiymət verin:

 

 

 

İntiqam VALEHOĞLU
Ölkə.az