Ölkə.az yazdı, direktor aktyorların borcunu qaytardı

Bir neçə gün öncə Gəncə Dövlət Dram Teatrında direktor Əli Qasımovla aktyor Salamulla İsmayılov arasında dava düşməsi barədə yazmışdıq

S.İsmayılov Ölkə.Az-a açıqlamasında bildirmişdi ki, davaya səbəb məzuniyyət dövründə işlədikləri üçün onlara verilməli olan əməkhaqqını ala bilməmələridir. 

Teatrdan əldə etdiyimiz məlumata görə, problem dünən öz həllini tapıb. Belə ki, məsələ ictimailəşdiriləndən sonra direktor Əli Qasımov "Dəli yığıncağı" tamaşasında iştirak edən aktyor heyətinin almalı olduğu yarım aylıq məvacibi verib.

İntiqam VALEHOĞLU
Ölkə.Az