Yüzbəyov hansı məşhura qəzəbləndi? - "Ayağımı uzadacağam, ikinci dəfədir ki..."

Aktyor Taleh Yüzbəyov həmkarlarından birinin ona saymazlıq etdiyini ifadə edib.

Ölkə.Az xəbər verir ki, o bu halın ikinci dəfə təkrarlandığını bildirib.

Yüzbəyov yaxın günlərdə yaşlı və bəyəndiyi bir aktyoru gördüyünü və kiçiklik edib həmin həmkarı ilə görüşdüyünü söyləyib. Lakin qarşı tərəfin ona əlini "normal şəkildə" uzatmaması, Talehi qəzəbləndirib.

"İkinci dəfədir, belə edir. Gələn dəfə görüşəndə ayağımı uzadacağam.

Bir çox yaşa dolmuş sənətkarlarımızla rastlaşmağa imkanım olub. Aralarında sadə və səmimiləri də az olmayıb. Onlara quzu kəsərəm. Necəsə dəstək olmağa çalışıblar, məsləhətlər veriblər. Amma çoxu niyəsə özünə gedib. Eqo və nifrət dolu baxışlarını az görməmişəm. Heyif, qocala bilmir çoxu. Elə bil təzə nəslə rəqib kimi baxırlar. Elə bilirlər, biz də onlar kimi dövlətdən nəsə qaxmarlamağa gəlmişik. Nəsə umuruq. Vallah, şəxsən mən nə sizdən, nə də dövlətdən nəsə umuram", - Yüzbəyov bildirib.

Aktyor yaşlı nəsildən olan həmkarlarına xitabən qeyd edib: "Bəziləriniz istedadlısınız, bəziləriniz yox. Sizdən öyrənəsi şey də çox deyil. Tərziniz köhnədir. Yenilikləri izləmirsiniz, yeni filmlərə baxmırsınız, yeni aktyor oyunu məktəblərini bilmirsiniz. Biz də sizdən qamara getmək, ad üstündə hər cür oyundan çıxmaq, ev almaq üçün hər şeyə razı olmağı öyrənmək istəmərik. Sadəcə böyük olun. İnsan kimi böyük olun. Yaradıcı insan kimi olun. Çünki cılız insan, böyük işlər görə bilməz".