Türkiyə konsulluğunda gənc rəssamın sərgisi keçirildi

"Gəncənin dünyanın ən gözəl şəhərlərindən birinə çevrildiyi xüsusi qeyd olunub"

Ölkə.Az xəbər verir ki, Gəncədə yerləşən Türkiyənin baş Konsulluğunda gənc rəssam Elçin Cəfərovun sərgisi keçirilib.

Sərgidə baş konsul Orhan İşık, GDU-nun rektoru professor Yusif Yusibov, gənc rəssam Elçin Cəfərov və ictimaiyyət nümayəndələri iştirak edib. Tədbiri Baş Konsul Orhan İşık açıq elan edərək iştirakçıları salamlayıb. O, Gəncənin mədəniyyətindən, inkişafından tədbir iştirakçılarına geniş məlumat verib. Çıxış edənlər bildirib ki, son bir neçə il ərzində Gəncədə bir çox mədəniyyət ocaqları yaradılıb. Gəncənin bir neçə il ərzində dünyanın ən gözəl şəhərlərindən birinə çevrildiyi də xüsusi qeyd olunub.

Gəncədə mədəniyyət ocaqları ilə yanaşı, tarixi abidələr, uşaqlar və gənclər üçün əyləncə mərkəzləri də yaradılıb.

Sonra sərgiyə baxış keçirilib.

Ölkə.Az