Amaliya Pənahovadan Leyla Şıxlinskayaya sərt CAVAB: \"Getsin...!\"

Xalq artisti Amaliya Pənahova əməkdar artist Leyla Şıxlinskayanın "5-ci element" verilişində onun barəsində səsləndirdiyi fikirlərə münasibət bildirib.

Xalq artisti Ölkə.az-a açıqlamasında sənət adamının belə məsələlər haqda danışmasını düzgün saymayıb:

"Onun dedikləri barədə heç nə demək istəmirəm. Bu, onun öz fikridir. Obraza mane olub olmadığını tamaşaçılar deyə bilər. Mənim müdaxilə etməyim düzgün çıxmaz".

Amaliya Pənahova ənəkdaşımızın "Sizcə sənət adamlarının bir-birinə belə qiymət verməyi doğrudurmu" sualına belə cavab verib:

"Vallah qoy o xanım getsin dili öyrənsin, sonra münasibət bildirsin".

Xatırladaq ki, Leyla Şıxlinskaya "Gün keçdi" filmindəki onun Əsmər rolunu səsləndirən xalq artisti Amaliya Pənahova barədə bunları demişdi:

"Hər kəs bu rolu öz bildiyi kimi qavrayır. Amaliya xanım və başqa aktrisalar Əsmər obrazının sınaq çəkilişlərində iştirak ediblər. Məsələ yaşda deyil: kim kimdən böyükdür, kiçikdir. Sadəcə, onlar başqadırlar. Onlar bu rola yetkin qadın kimi yanaşdılar. Oradakı ehtiraslı səslər də obraza mane olurdu. Filmdəki münasibətlər daha incə, kövrəkdir. (Amaliya Pənahovanı yamsılayır - red.) Filmdəki səsləndirməni eşidəndə tüklərim biz-biz oldu. Axı orada hər şey daha zərif idi".

İntiqam VALEHOĞLU
Ölkə.az