Nizami Kino Mərkəzinin ekranında Conni Depp və Vin Dizel

Nizami Kino Mərkəzində oktyabrın 29-dan etibarən ABŞ istehsalı olan “Qara messa” və “Sonuncu ifrit ovçusu” filmlərin nümayişinə başlanıb

“Qara messa” filmini Cez Batteruortun ssenarisi əsasında rejissor Skott Kuper kriminal- bioqrafik dram janrında çəkib.

Filmin sloqanı: “FTB və tarixin ən qəddar quldur dəstələrinin gizli əlbirliyi” Yaş məhdudiyyəti:16+

Film, 16 il təqib olunan və ancaq 2011-ci ilin iyununda Santa-Monikada həbs edilən məşhur bostonlu qanqster Uayti Buldjerdən bəhs edir. Yaşı səksəni keçən Buldjer, 19 ölüm hadisəsində, reket və FTB-a informatorluqda ittiham olunur. Dəmir barmaqlıqlardan qorunmaq üçün 1995-ci ildən qaçaq həyat tərzi sürən Uayti 16 il ədalətdən gizlənib...

Filmdəki rollara Conni Depp, Coel Edgerton. Benedikt Kamberbetç, Kevin Beykon, Cessi Plemons,Piter Aarsqaard, Kori Stoll, Dakota Conson, Rori Kokreyn, Devid Xarbor və başqa aktyorlar çəkilib.

“Sonuncu ifrit ovçusu” filmini isə rejissor Brek Eysner döyüş, fentezi və macəra janrında çəkib.

Filmin sloqanı: “Əbədi yaşamaq daim öldürmək” Yaş həddi:16+

Müasir dünya bir çox sirrləri gizləyir, amma arasında ən heyrətedici sirr ifritlərin insanlar arasında hələ də yaşamaqlarıdır. O, hirsli və qeyriadi məxluqların məqsədi dünyanı ölümcül xəstəliyə düçar etməkdir. Əsrlər boyu ovçu orduları onlarla mübarizə aparıblar. İndiki zamanda, bir vaxtlar ifritlərin kraliçasını öldürmüş yalnız bir ovçu -Kolder qalıb. Amma, kraliçanın yenidən dirildiyini və onu öldürmək intiqamı ilə yaşamasından Kolderin xəbəri yoxdur...

Filmdə, baş rolları Van Dizel, Rouz Lesli, Elayca Vud, Oulavyur Darri Oulafsson, Rina Ouen, Yuli Engelbrext, Maykl Keyn, Cozef Qilqan, İsaak De Bankole, Maykl Xalsli və başqa aktyorlar canlandırıblar.

Əziz kinosevərlər filmlər haqqında daha ətraflı məlumatı Nizami Kino Mərkəzinin facebook səhifəsindən də öyrənmək mümkündür. (//www.facebook.com/NizamiCinema)

Ölkə.Az