Arif Quliyevin səhhətində pisləşdi

Xalq artisti, tanınmış aktyor Arif Quliyevin səhhətində problemlər yaranıb.

Ölkə.Az xəbər verir ki, publika.az-a açıqlama verən aktyor müalicə kursu keçdiyini bildirib:

“Heç yerə çıxa bilmirəm, çünki səhhətimdə problemlər yaranıb. Keçən il Türkiyədə keçirdiyim sinir əməliyyatından sonra bir müddət İranda müalicə olundum. Səhhətim düzəlmişdi, amma yenidən xəstələndim. Qan dövranımda problemlər yaranıb. Həkimlər evdə məni nəzarət altında saxlayır, dava-dərman qəbul edirəm”.

“Həkimlərin qənaəti necədir?” sualına xalq artisti özünəməxsus yumorla cavab verib:

“Həkimlər deyir ki, qorxma, ölənə qədər yaşayacaqsan. Deyirlər, özünə yaxşı bax, mən də tez-tez güzgüyə baxıram. Yeməyinə fikir ver deyirlər, mən də beş boşqab yeyirəm, amma yenə də ac qalıram”.

Ölkə.Az