Onlar da estrada oxuyacaqlar

Xalq artistləri Fidan və Xuraman Qasımova Dövlət Filarmoniyasında keçiriləcək konsertlərinə hazırlaşırlar.

Bu barədə Ölkə.az-a danışan Fidan Qasımova bildirib ki, konsertdə xeyli eksperimentlər edəcəklər:

"Konserti Heydər Əliyev Sarayında da keçirə bilərdik. Amma qərara aldıq ki, filarmoniyada olsun. Konsertin proqramında xeyli dəyişiklik etdik. İstədik ki, yenilik olsun, klassik musiqilərlə estrada janrının sintezini edək. Konsertdə bizi xalq artisti Teymur Göyçayevin rəhbərliyi ilə kamera orkestri, həmçinin məşhur pianoçumuz Emil Əfrasiyab müşayiət edəcək. Əgər görsək ki, eksperimentlərimiz yaxşı qarşılanır, növbəti konsertimiz Heydər Əliyev adına Sarayda keçiriləcək".

Xatırladaq ki, konsert noyabrın 21-də olacaq.

İntiqam VALEHOĞLU
Ölkə.az