Nizami Kino Mərkəzində “Viktor Frankenşteyn” filmi başlanıb

Noyabrın 26 -dan ətibarən Nizami Kino Mərkəzində Türkiyənin “Uzaklarda arama” və ABŞ-ın “Viktor Frankenşteyn” filmlərinin nümaişi başlanıb

AF.Media şirkətinin təqdimatı ilə nümayiş olunacaq “Uzaklarda arama” filmini rejissor Türkan Şoray romantik komediya janrında çəkib. Filmin yaş həddi: 12+

Rəsmi qərarla şəhər mərkəzindən qəsəbəyə köçürülən pavilyon qəsəbə sakinləri arasında təşvişə səbəb olur. Ərlərinin pavilyona ayaq açmasından narahat olan qadınlar orada çalışan qadınlarla mücadiləyə başlayırlar. Amma qəsəbə kişilərinin əhvalı çox yerindədir...

Heç kim hələlik bilmir ki, dütün bu həngamənin içində sonradan hamının şahid olacağı böyük eşq yaşanacaq...

Baş rollarda Yağmur Ünal, Ekin Türkmen, Sevda Erginci, Mehtap Bayrı, Elif Atakan, Pınar Göktaş, Esra Ergün, Aslı Samat, Mustafa Uğurlu çəkiliblər.

Həmçinin, həmin gündən etibarən “Viktor Frankenşteyn” filminin nümayişi başlanıb. Rejissor Pol Mak Qiqanın çəkdiyi bu film dəhşət və fantastik dram janrındadır. Sloqanı : “Öz yaradanını qarşıla” Yaş həddi: 16+

Film bu dəfə köməkçisi İqorun, Viktor Frankenşteynin fantastik həyat tarixçəsinə yeni baxışından bəhs edir.

Baş rollarda Deniel Redkliff, Cesika Braun, Findlib Bronson Uebb, Ceyms MakEvoy, Deniel Meys, Spenser Uidlinq, Robins Pirs, Endryu Skott, Kallum Terner və Di Botçer çəkiliblər.

Filmlər haqqında daha ətraflı məlumatı Nizami Kino Mərkəzinin facebook səhifəsindən öyrənə bilərsiniz.