Məşhur rəqqasın yubiley gecəsi keçiriləcək

Tanınmış rəqqas və baletmeyster Əlibaba Abdullayevin 100 illiyinə həsr olunmuş yubiley gecəsi keçiriləcək.

Azərbaycan milli rəqs sənətinin görkəmli nümayəndəsi, xalq artisti, tanınmış rəqqas və baletmeyster Əlibaba Abdullayevin (1915 -1980) 100 illiyinə həsr olunmuş yubiley gecəsi keçiriləcək.

Ölkə.az-ın məlumatına görə, mərasim noyabrın 30-da Azərbaycan Dövlət Filarmoniyasında baş tutacaq.

Milli xoreoqrafiya sənətinin böyük bilicisi olan Əlibaba Abdullayev bir çox rəqslərə yüksək professionallıqla quruluş verib. Onun “Toy”, “Bulaq başında”, “Naz eləmə”, “Çobanlar”, “Vağzalı-mirzəyi”, “Neftçilər”, “Azərbaycan”, “Novruz”, “Uzundərə”, “İnnabı”, “Qazaxı”, “Yallı, “Muleyli”, “Laçın”, “Dədə Qorqud”, “Üç çiçək”, “Dostluq”, “Bəri bax”, “Qaraxal yar” kimi kiçik süjetli folklor tamaşalar, kompozisiyalar və süitalar milli ifaçılıq sənətimizin həmişəyaşar nümunələridir.

Ölkə.az