Nizami Kino Mərkəzində “Oğlan evi”nın qala gecəsi baş tutdu

Dekabrın 2-sində Nizami Kino Mərkəzində “Oğlan evi” milli komediya filminin qala gecəsi keçirilib.

İlin gözlənilən komediyasının rejissoru İlham Qasımovdur. Ssenari üzərində rejissorla birgə Tural Sevdimalı və Dj Fateh işləyiblər. Texniki heyətin bir hissəsini xarici mütəxəssislər təşkil edən bu filmin quruluşçu operatoru Mixail Xarçenkodur.

Filmdə baş rolları aktyorlar Fərda Amin, Elcan Rəsulov və İslam Mehrəliyev canlandırıblar.

Bakıda 3 alıcıya eyni mənzil satılıb. Bu məsələnin üstü açıldıqda, qəhramanlar pullarını qaytarmaq üçün, bunu etmiş sahibkarın oğlunun toyunu qarət etmək qərarına gəlirlər...

Filmdə, həmçinin, Abbas Qəhrəmanov, Xumar Səlimova, Qurban Məsimov, Yadigar Muradov, müğənni Xəyyam Nisanov və aparıcılar DJ Fateh və Mətanət Əliverdiyeva rol alıblar.

Qala gecədə tamaşaçılar tərəfindən maraqla qarşılanan “Oğlan Evi: Azərbaycansayağı Qarət” filmi ilin ən gözlənilən kinokomediyası olacağına start verib.

Qala gecəsində filmin rejissoru İlham Qasımov, baş rolları ifa edən aktyorlar və yaradıcı qrupun digər üzvləri iştirak edib.

Filmdən sonra, qonaqlar tamaşaçılarla görüşmək üçün səhnəyə çıxıb.

Film haqqında daha ətraflı məlumatı Nizami Kino Mərkəzinin facebook səhifəsindən öyrənə bilərsiniz.

Ölkə.Az