Bakı Dövlət Sirki \"Qış paradı\"na hazırlaşır

Bakı Dövlət Sirki “Lasta Rika”nın ardından şəhərə yeni sirk proqramını dəvət edib.

Ölkə.az-ın məlumatına görə, dekabrın 25-dən başlayacaq proqramın özəlliyi ondadır ki, ilk dəfə bütün nömrələr klounlar tərəfindən nümayiş etdiriləcək. “Klounların qış paradı” adlı möhtəşəm sirk şousunda hava gimnastları, əhlilləşdirilmiş heyvanların maraqlı nömrələri, motosikl, akrobatların çıxışları təqdim olunacaq. Korde-baletin müşayətilə göstərilən nömrələrdə xüsusi işıq effektlərindən istifadə ediləcək. Və əlbəttə ki, Yeni il günlərinə düşdüyü üçün proqramda Şaxta baba və Qar qız da iştirak edəcək.

Qeyd edək ki, iki saat davam edən “Klounların qış paradı” proqramı 2016-cı il yanvar ayının ortalarına kimi şəhərimizdə olacaq.

İntiqam VALEHOĞLU
Ölkə.az