Vaqif Bəhmənli: "Özüm ərizə yazmışam"

Mədəniyyət və Turizm Nazirliyinin keçmiş şöbə müdiri, şair Vaqif Bəhmənli işdən çıxarılması barədə xəbərlərə sosial şəbəkədə aydınlıq gətirib.

Ölkə.az-ın məlumatına görə, Bəhmənli işdən öz ərizəsi ilə azad olunduğunu qeyd edib:

"Mədəniyyət və Turizm Nazirliyindəki işimlə bağlı göstərdiyiniz hədsiz marağı nəzərə alıb bildirirəm ki, həqiqətən də mən yaradıcılıq işlərimin vacibliyi və sıxlığı səbəbindən rəhbərliyə tutduğum vəzifədən azad olunmağım üçün yazılı ərizə vermişəm. Eyni zamanda şifahi olaraq xahiş etmişəm ki, müraciətimə mənim istəyimə uyğun yanaşılsın. Yəqin ki, tezliklə məsələ həllini tapar.

Adi və gündəlik həyat hadisəsini müzakirə mövzusuna çevirməyəcəyinizə görə sizə bəri başdan təşəkkürlərimi bildirirəm”.

Xatırladaq ki, Vaqif Bəhmənli bir müddət öncə mədəniyyət və turizm naziri Əbülfəs Qarayevə ithaf etdiyi şeirlə gündəmə gəlmişdi.

İntiqam VALEHOĞLU
Ölkə.az