Nizami Kino Mərkəzində möhtəşəm qala gecəsi baş tutdu

Nizami Kino Mərkəzində “Dəlibal” filminin möhtəşəm qala-gecəsi baş tutub

Yanvarın 07 –də AF Mediya şirkətinin təqdim etdiyi “Delibal” türk filminin baş qəhrəmanları Çağatay Ulusoy, Leyla Lydia Tuğutlu və yaradıcı qrupun digər üzvləri Nizami Kino Mərkəzində keçirilən Qala-gecəyə qatılıblar.

Azərbaycanın ən böyük ekran səhnəsinə çıxan qonaqlar azərbaycan tamaşaçısına sevgilərini və minnətdarlıqlarını bildirib.

Xatırladaq ki, AF Mediya şirkətinin təqdim etdiyi “Delibal” filmi azərbaycan dilində alt yazılarla nümayiş olunur.

Romantik dram janrında çəkilmiş bu film tələbə olan Barış və Füsunun böyük eşq hekayəsindən bəhs edir. Memarlıq fakültəsində təhsil alan və boş vaxtında musiqi ifası ilə həyatın dadını çıxaran Barış Füsunu gördüyü anda ona aşiq olur. Adını belə bilmədiyi qızı tapıb eşqini anlatmaq bir yana, ağlında universitetı dərəcə ilə bitirib Amerikada təhsilini davam etmək istəyi olan Füsunu bu eşqə inandırmaq da var. Yaraşıqlı və ağıllı olan Barış sonunda bunu etməyi bacarır. O, Füsunu özünə aşiq edir və onlar evlənirlər. Hər şey nağıllarda olduğu kimidir, o nağıl pozulmayana qədər....

Filmin rejissoru Ali Bilgin ssenari müəllifi Yıldırım Türkerdi. Yaş həddi: 12+

Filmdə rollara həmçinin Hüseyin Avni Danyal, Laçin Ceylan, Mustafa Avkıran, Nazan Kesal və Toprak Sağlam çəkiliblər.

Filmi izlədikdən sonra, qonaqlar media üçün mətbuat konfransı keçirib.

Filmin seansları haqqında daha ətraflı məlumatı Nizami Kino Mərkəzinin facebook səhifəsindən öyrənə bilərsiniz. (//www.facebook.com/NizamiCinema?rf=hl)

Ölkə.az