Azərbaycanda teatrı söküb yerində çoxmərtəbəli bina tikirlər

Yuğ Dövlət Teatrı yerləşdiyi binadan çıxarılır.

Ölkə.az-ın əldə etdiyi məlumata görə, binadan çıxmaq üçün teatrın kollektivinə bir həftə vaxt verilib.

Bildirilir ki, teatrın hazırda yerləşdiyi məkan tarixi bina olmasına rəğmən, söküləcək və yerində çoxmərtəbəli yaşayış binası tikiləcək. Yuğ teatrı isə Əhmədli qəsəbəsindəki kitabxanalardan birinə yerləşdiriləcək. Əldə etdiyimiz digər məlumata görə, kollektiv bu qərardan narazı qalıb. Onlar şəhərin mərkəzindəki iş yerlərini nisbətən kənar sayılan Əhmədliyə dəyişmək istəmirlər.

Məsələ ilə bağlı Mədəniyyət və Turizm Nazirliyinin də mövqeyini öyrənməyə çalışacağıq.

İntiqam VALEHOĞLU
Ölkə.az