YUĞ Kukla Teatrına sığındı
Yuğ teatrı fəaliyyətini Azərbaycan Dövlət Kukla Teatrında davam etdirəcək.
Ölkə.az-ın məlumatına görə, bu barədə Mədəniyyət və Turizm Nazirliyinin saytında qeyd olunub. Xəbərdə bildirilir ki, Bakı şəhərinin baş planına uyğun olaraq, Yasamal rayonu ərazisində söküntü, abadlıq işləri həyata keçirilir. Aparılan yenidənqurma işlərinin planına uyğun olaraq, həmin ərazidə yerləşən Azərbaycan Dövlət “Yuğ” teatrının (M.Muxtarov küçəsi, 83) binasının da sökülməsi nəzərdə tutulub.
Belə ki, Azərbaycan Respublikası Mədəniyyət və Turizm Nazirliyinin müvafiq qərarına əsasən 2016-cı ilin fevral ayının 1-dən etibarən “YUĞ” Dövlət Teatrı yaradıcılıq fəaliyyətini Azərbaycan Dövlət Kukla Teatrında davam etdirəcək.
İntiqam VALEHOĞLU
